|
MSH: Shërbim shëndetësor 24 orësh për grevën e minatorëve
Masa urgjente në të gjitha rrethet ku zhvillohet greva e urisë
Në 24 orë mjekë dhe autoambulanca në shërbim të grevistëve
Grup kordinues në MSH për të mbajtur gjendjen nën kontroll
Ministri i Shëndetësisë Nard Ndoka, ka firmosur sot një urdhër nëpërmjet të cilit ka ngarkuar Drejtoritë e Shëndetit Publik për sigurimin e shërbimit shëndetësor 24-orësh për dhënien e ndihmës mjekësore për rrethet ku zhvillohet greva e urisë së minatorëve.
Nëpërmjet urdhërit të tij, Ministri Ndoka ka kërkuar që Drejtoritë e Shëndetit Publik të marrin masa urgjente 24 orë dhe ekipe mjekësh me autoambulanca për të mbajtuar gjendjen nën kontroll të plotë për minatorët grevistë dhe për të trajtuar çdo rast që ka nevojë për shërbim shëndetësor.
Nëpërmjet këtij urdhëri Ministri i Shëndetësisë urdhëron:
- Të gjitha DSHP - të e rretheve ku zhvillohet greva e urisë së minatorëve, të marrin masa urgjente për të vënë në gatishmëri autoambulanca me personelin mjeksor për të asistuar çdo nevojë shëndetësore të tyre .
- Drejtoria e Shëndetit Publik, të vërë në dispozicion të grevistëve numrin e telefonit për çdo rast që kërkon trajtim mjeksor urgjent.
- Çdo ditë nga ora 8 deri në 10, DSHP - të të informojnë Drejtorinë e Përgjithshme të Politikave dhe Planifikimit Shëndetësor pranë Ministrisë së Shëndetësisë në numrin e telefonit 069 20 49 495, për gjendjen e grevistëve.
Qytetarë!
Denonconi korrupsionin në sistemin shëndetësor në 069 20 24 322
Tirane, me 01 Korrik 2008 |