MSH ju shpreh familjarëve të viktimave ngushëllimet më të sinqerta për humbjen e njerëzve të tyre të dashur
Ndoka : Do bëjmë gjithçka për t` jua lehtësuar sado pak dhimbjen të afërmve të viktimave
Ministria e Shëndetësisë dhe personalisht Ministri i Shëndetësisë, Z. Ndoka, me të marrë njoftimin për ngjarjen e ndodhur në liqenin e Farkës , në bashkëpunim dhe me strukturat e Ministrisë së Brëndshme, për t’u ardhur në ndihmë të mbijetuarve dhe për të lehtësuar me sa ishte e mundur pasojat e kësaj tragjedie të rëndë, mori të gjitha masat për të siguruar ndihmën e nevojshme mjeksore duke dërguar katër ekipe të ndihmës mjeksore.
Në orët e para të mëngjesit, Ministri i Shëndetësisë Z. Nard Ndoka, bëri një vizitë në morgun e Qendrës Spitalore Universitare « Nënë Tereza » ku u takua me personelin mjekësor dhe të afërm të viktimave ku shprehu dhimbjen e tij të thellë për këtë tragjedi të ndodhur si dhe shprehu ngushellimet e thella për familjarët e viktimave të kësaj tragjedie.
Duke shprehur dhimbjen e thellë për këtë tragjedi të rëndë ministri i Shëndetësisë Nard Ndoka, tha se ishte njoftuar për këtë tragjedi pak minuta mesnatës së djeshme, nga Ministri i Brendshëm, Bujar Nishani.
Ndoka tha se menjëherë në vendngjarje shkuan të gjitha ekipet mjeksore me katër autoambulanca, të cilat në bashkëpunim më forcat e ndërhyrjes së shpejtë të policisë, bënë të mundur që katër të mbijetuarit të merrnin ndihmën e parë shëndetësore, ndërsa kufomat janë transportuar pranë morgut të QSUT-së.
Ministria e Shëndetësisë në bashkëpunim me të gjitha institucionet e tjera, po marrin të gjitha masat për lehtësimin e procedurave për t'iu ardhur në ndihmë familjarëve. Është ngritur një grup pune që drejtohet nga Ministria e Brendshme dhe po merren masa përkatëse, ndërkohë janë në shërbim dy autoambulanca të cilat do të qëndrojnë pranë familjarëve për çdo rast.
Gjithashtu, Ministria e Shëndetësisë ka marrë të gjitha masat për sigurimin e ndihmës mjeksore për të mbijetuarit e kësaj tragjedie si dhe ka në gatishmëri ekipe mjekësore pranë familjeve të viktimave të kësaj tragjedie.
Qytetarë!
Denonconi korrupsionin në sistemin shëndetësor në 069 20 24 322
Tirane, me 06 Mars 2008 |