8 maj Dita Botërore e Talasemisë
MSH e vendosur për shërbim sa më të specializuar për talasemikët
Prioritet i MSH, përmirësimi jetëgjatësisë dhe cilësisë së jetës së talasemikëve
MSH: Strategji për parandalimin e hemopative të lindura
Në çdo 8 maj, kudo në botën e qytetëruar përkujtohet Dita e Luftës kundër Talasemisë, kësaj sëmundjeje të shekullit XX dhe të shekullit XXI që është e përhapur në rruzullin tokësor. Në këtë ditë, të gjithë në kujtojmë të gjithë ata fëmijë, adoleshentë dhe madhorë që ditën të përballojnë sëmundjen vite të tëra në vende të ndryshme të botës. Shembulli i tyre dhe hapat që janë bërë vitet e fundit për diagnostikimin dhe mjekimin e kësaj sëmundjeje gjenetike na japin shpresa se në një ditë të afërt do të arrihet të gjendet një kurë edhe për talasemikët.
Si specialistë, por edhe si njerëz, që përballemi shpesh me këtë problem në duhet të kujtojmë fjalët e Nënë Terezes – Ajo, që bej unë është një pike uji në oqean. Por, nëse kjo pike uji nuk do të ishte atje, uji do të mungonte. Fjalët e saj shpesh jepen si postulate që krijojnë shpresa për të ardhmen e atyre që vuajnë, që kanë një sëmundje kronike, atyre që nuk kanë shumë të ardhura, por që shprësojnë për një të ardhme më të mirë.
Ministria e Shëndetësisë në kuadër të strategjisë për reformimin e shërbimeve shëndetësore është plotësisht e angazhuar për ti dhënë prioritet sigurimit të një shërbimi sa më të kualifikuar, gjithë kategorive të ndryshme të të sëmurëve kronikë, një nga të cilët janë dhe të sëmurët me talasemi.
Kushdo që ka ndjekur këto 25 vitet e fundit ecurinë në mjekimin e talasemisë vëren me bindje se e ardhmja do jetë shumeë më e mirë. Kalimi nga trajtimi fillestar në atë bashkëkohor: transfuzione ose hipertransfuzione, shoqëruar me eliminues të hekurit, Desferal, L 1, e së fundi EXJADE, do te krijojë mundësinë e realizimit me sukses të transplantimeve të palcës së kockës, realizimit të terapisë me anën e kordonit ombelikal, si dhe terapive të tjera bashkekohore.
Përmirësimi i jetëgjatësisë dhe cilësisë së jetës së këtyre pacientëve ka qënë një nga prioritet e Ministrisë së Shëndetësisë e cila tashmë është e konkretizuar dhe në draft strategjinë e përgatitur nga Ministria e Shëndetësiseë “ Për parandalimin e hemopative të lindura”.
Hemoglobinoptitë, kryesisht talasemia dhe anemia drepanocitare janë sëmundje hereditare (të trasheguara). Sipas OBSH sot 5% e popullsisë në botë është bartëse potenciale e genit patogene të hemoglobinës (njerëz të shëndoshë, qe kanë trashëguar një gen mutant nga një prind).
Çdo vit, në botë lindin mbi 300 mijë fëmijë me sindromë talasemike (30%) ose drepanocitozë (60%) (shumica në vënde me zhvillim të ulët ekonomik).
Ashtu si shumë vënde fqinje ku malaria ka qënë endemike, edhe Shqipëria është prekur nga talasemia hemoglobinopati të tjera. Shqiperia është një vend me endemicitet të lartë të beta talasemisë. Sipas të dhënave të depistimeve të pjesshme të kryera në vendin tonë nga bërthama shkencore e Institutit të Studimeve Pediatrike, frekuenca e bartësve të talasemisë në vendin tonë llogaritet rreth 7%. Shpërndarja e bartësve është heterogjene dhe frekuenca më e lartë takohet në zonat e ultësirës perëndimore. (Lushnje 7.3%, Berat 7.04%, Fier 9.96%, Sarandë 7.92% dhe Shkodër 0.72%).
Sipas studimeve, në periudha të ndryshme kohore, referohet që në vëndin tonë ka rreth 300 mijë bartës (8-9% e popullsisë). Në studimet e cituara më sipër, referohet dhe frekuencë e lartë e drepanocitozës sidomos në rrethet Lushnje e Kavajë.
Qytetarë!
Denonconi korrupsionin në sistemin shëndetësor në 069 20 24 322
Tirane, me 07 Maj 2008 |