Ministri
Kabineti
Misioni
Organizimi i Sistemit Shëndetësor
Struktura
Zyra e Shtypit
Institucionet Vartese
Album Fotografik
Historiku

Ministrja Godo takon Zj. Camila Nuamah, përfaqësuese e Bankës Botërore për Shqipërinë.

Numah : Mbështetje për ligjet bazë të shëndetësisë dhe modernizimin e sistemit shëndetësor

Godo - Numah : Investimet në sistemin shëndetësor të domosdoshme

Ministrja e Shëndetësisë znj. Anila Godo priti sot në një takim pune zj. Camila  Nuamah, përfaqësuese e Bankës Botërore për Shqipërinë, e shoqëruar  dhe nga zj. Lorena Kostallari,  e cila mbulon shëndetësinë dhe çështjet sociale. 

Gjatë këtij takimi, znj. Ministre u njoh me bashkëpunimet mes MSH – së dhe Bankës Botërore, bashkëpunim i finalizuar me realizimin e dy projekteve të para. 

Znj. Numah, e njohu ministren Godo me implementimin e projektit të tretë të Bankës Botërore që ka nis në shtator të vitit 2006, për sektorin e shëndetësisë: “Modernizimi i Sistemit Shëndetësor në Shqipëri”, i financuar nga  Banka Botërore. Kosto e përgjithshme e këtij projekti për shëndetësinë është përllogaritur të kap përafërsisht shumën 19.4 milion USD, ku objektivat kryesore të projektit janë:

• përmirësimi i aksesit fizik dhe financiar si dhe përdorimi i shërbimeve shëndetësore parësore të cilësisë së lartë;
• përmirësimi i kapaciteteve kombëtare për të formuluar, zbatuar politika dhe reforma shëndetësore në sektorin e shëndetësisë;
• përmirësimi i administrimit dhe menaxhimit të spitaleve; 
  

Në funksion të realizimit të këtyre objektivave, projekti do të ketë disa komponentë kryesor, si

• Ndërtimi i kapaciteteve për sigurimin e shërbimeve shëndetësore në Institutin e Sigurimeve Shëndetësore si dhe në Institutin e Shëndetit Publik.
• Përmirësimi i ofrimit të shërbimeve shëndetësore të kujdesit parësor.
• Përmirësimi i menaxhimit dhe administrimit të spitaleve.

Qytetarë!

Denonconi korrupsionin në sistemin shëndetësor në 069 20 24 322

Tirane, me 11 Gusht 2008

TOP