|
Shoqata Botërore e Mjekësisë (World Medical Association) viziton Urdhrin e Mjekëve të Shqiperise
Prioritet: “Vet-rregullimin Profesional dhe Zhvillimin e Vazhdueshëm Profesional të Mjekëve dhe pranimi i Urdhrit të Mjekëve të Shqipërisë si anëtar i rregullt i kësaj organizate
më date 22 - 24 Shtator 2008 viziton Urdhrin e Mjekëve të Shqiperise delegacioni i Shoqatës Botërore të Mjekësisë (World Medical Association) i përbërë nga Dr. JON SNæDAL, President dhe Dr. OTMAR KLOIBER, Sekretar i Përgjithshëm.
Me këtë rast, sot më datë 23 Shtator 2008, Ora 11.30 në Hotel “Tirana International”, Këshilli Kombëtar i Urdhrit të Mjekëve të Shqipërisë me praninë e presidentit të këtij këshilli, dr. Din Abazaj, organizoi një takim me presidentët e Këshillave Rajonale të UMSH, kryetarët e shoqatave profesionale të mjekëve dhe përfaqësues institucionesh.
Dr. Jon Snædal foli mbi atributet dhe funksionet e WMA, si nje organizatë ndërkombëtare që përfaqëson mjekët nga e gjithë bota. Ajo është krijuar më 17 Shtator 1947 ku mjekë nga 27 vende u mblodhën në Asamblenë e Parë të Përgjithshme të WMA në Paris. Aktualisht në WMA marrin pjesë mbi 80 shoqata mjekësore kombëtare. Gjatë aktivitetit 61 vjeçar të WMA, në Asambletë e Përgjithshme që mbahen çdo vit në vende të ndryshme të botës, ajo ka miratuar shumë deklarata dhe dokumenta që i rekomandohen shoqatave kombëtare për zbatim të tilla si:
- Kodi Ndërkombëtar i Etikës Mjekësore (1949, 1968, 1983, 2006);
- Deklarata e Gjenevës “Mbi detyrat e Mjekut dhe Betimi” (1948, 1968, 1983, 1994, 2005, 2006)
- Principet Etike për kërkim mjekësore me publikun (njerëzit).
- Trajtimi degradues apo dënimi i të burgosurve (1975).
- Deklarata e Lizbonës “Të drejtat e Pacientit” (1981, 1995, 2005).
- Deklarata e Venecias “Sëmundjet që përfundojnë në vdekje” (1983, 2006).
- Deklarata e Madridit “Mbi autonominë profesionale dhe vetrregullimit” (1987, 2005).
e shumë të tjera.
Ndërsa Dr. Otmar Kloiber mbajti një ligjeratë mbi “Vet-rregullimin Profesional dhe Zhvillimin e Vazhdueshëm Profesional të Mjekëve”, si një nga pikat më kryesore për ministrimë e shëndetësisë. Gjithashtu , theksi u vu në aplikimin që vendi ynë ka bërë për antarësimin në Shoqatën botërore të mjekësisë. Për këtë, Në Asamblenë e Përgjithshme të WMA që do të mbahet më 15-18 Tetor 2008 në Seul të Koresë së Jugut do të miratohet edhe pranimi i Urdhrit të Mjekëve të Shqipërisë si anëtar i rregullt i kësaj organizate.
Qytetarë!
Denonconi korrupsionin në sistemin shëndetësor në 069 20 24 322
Tirane, me 23 Shtator 2008 |