Pakti i stabilitetit

Mbledhja ne Durres
Arkiv

Nën presidencën e Shqipërisë nisi sot mbledhja e 14 e Rrjetit të Shëndetësisë së Europës Juglindore. Ky aktivitet i rëndësishëm nën kujdesin e Ministrisë sonë të Shëndetësisë (në përputhje me vendimet e Forumit të Dytë të Ministrave të Shëndetësisë së Rajonit të Evropës Juglindore) zgjat 3 ditë dhe zhvillohet në Hotel Adriatik, Durrës.

Takimi u hap nga ministri Maksim Cikuli në rolin e presidentit të Rrjetit të Shëndetësisë së Europës Juglindore dhe u përshëndet nga autoritete të Paktit të Stabilitetit, Këshillit të Evropës, Organizatës Botërore të Shëndetësisë, Bankës Europiane për Zhvillim, IOM, si dhe përfaqësues të vendeve donatore të Bashkimit Europian si dhe të Zvicrës, Norvegjisë etj. Numri total i pjesëmarrësve nga rajoni dhe bota ishte 53.

Qëllimi final i Paktit të Stabilitetit për Europën Jug Lindore është integrimi i vendeve të rajonit të Europës Juglindore në Bashkimin Europian, nëpërmjet bashkëpunimit rajonal në fushën e shëndetit publik, përmirësimit dhe njësimit të strategjive dhe legjislacionit me ato të BE, si dhe zbatimit në terren të projekteve teknike.

Pas mbledhjes së 13 në Jahorina, në Bosnje-Hercegovinë, aktivitetet e Rrjetit të Shëndetësisë së Europës Juglindore janë fokusuar në dy projekte: Për Shëndetin e Nënës dhe Fëmijës, dhe të Kujdesit dhe Sigurisë në Punë, si një përpjekje për të përmirësuar shëndetin e popullatës së EJL. Pasi shëndetësia nuk është thjesht një urë paqeje por dhe një urë drejt mirëqenies.

Diskutimet e djeshme dhe të dy ditëve në vijim kanë në qendër çështje me rëndësi ndërkufitare të shëndetit publik, që burojnë nga nevoja për proçeset kombëtare të reformimit me rëndësi për integrimin e vendeve në strukturat Europiane. Siç është propozuar nga Presidenca Shqiptare, mbledhja e Durrësit do të mbulojë çështjet e mëposhtme:

• proçeset e reformimit të shëndetit mendor në EJL dhe transformimin e projektit të shëndetit mendor në një program afat-gjatë të bashkëpunimit rajonal;

• përgatitja për pandemitë dhe kapacitetet aktuale të shërbimeve të shëndetit publik dhe trajtimi i tyre në sistemet shëndetësore të rajonit.

Si vijim i çështjeve të mësipërme, mbledhja e 14 e Rrjetit të Shëndetësisë së Europës Juglindore do të:

• rishikojë progresin që nga mbledhja e 13 e Rrjetit në Bosnjë-Hercegovinë

• të diskutojë dhe bjerë dakort për rekomandimet dhe angazhimet në politikat rajonale për Shëndetin Mendor dhe Përgatitjen për Pandemitë

• të bjerë dakort dhe të miratojë vendimet për projektin e Kujdesit për Nënën dhe të Fëmijës dhe Projektin e Ushqimit dhe të Ushqyerjes

• të bjerë dakort për transformimin e Zyrës Rajonale të Projektit të Shëndetit Mendor në një Qendër Rajonale të Shëndetit Mendor

të rishikojë çështjen e pronësisë rajonale, të identifikojë problemet dhe të bjerë dakort për hapat e mëtejshëm

Rëndësia e projekteve të shëndetit publik nën Paktin e Stabilitetit për Europën Juglindore qëndron së pari në rëndësinë e bashkëpunimit rajonal dhe përgatitjes së vendeve të rajonit të EJL për hyrjen në BE, duke përafruar legjislacionin dhe strategjitë kombëtare me ato të BE si dhe nga përfitimet konkrete të zbatimi të projekteve të shëndetit publik në fushat e shëndetit mendor, kontrollit të sëmundjeve infektive, luftës kundër duhanit, sigurisë ushqimore, kujdesit për nënën dhe të porsalindurin, gjakut dhe nënprodukteve të tij, etj.

Sistemet e Informacionit Shëndetësor.

Është kryer analiza e sistemeve ekzistuese të informacionit për mbledhjen dhe proçesimin e informacionit për shëndetin mendor; janë analizuar kriteret për identifikimin e grupeve në rrezik për përjashtim shoqëror; është zhvilluar pyetësori për monitorimin e vazhduar për aktivitetet e qëndrave komunitare të shëndetit mendor, si dhe është programuar drafti i parë elektronik i kartelës elektronike të pacientit në mbështetetje të aktivitetve klinike dhe manaxheriale të qëndrave komunitare të shëndetit mendor.

Kontrolli i sëmundjeve ngjitëse.

Është kryer analiza e sistemeve të survejancës dhe të njoftimit të hershëm në përpjekje për të përmirësuar sistemet kombëtare; harmonizimi i udhëzuesve dhe proçedurave me përkufizimet aktuale të BE; janë përmirësuar Udhëzuesit dhe Politikat Kombëtare të Sistemeve të Survejimit të Sëmundjeve Ngjitëse dhe Përgjegjës ndaj Epidemive; është hartuar paketa e trainimit në epidemiologjinë e aplikuar për punonjësit e terrenit; janë forcuar kapacitetet në epidemiologjinë e aplikuar dhe të terrenit; janë rritur kapacitetet njerëzore dhe institucionale për përmirësimin e standardeve për mbrojtjen dhe sigurinë e shëndetit; përgatitja e planeve kombëtare për parandalimin e Influencës; vlerësimi i kapaciteteve të laboratoreve të influencës dhe sistemet e survejancës së gripit.

Kontrolli i duhanit

Ështe arritur ratifikimi i Konventës kundër Duhanit si dhe ka pasur një proçes aktiv për miratimin e ligjit dhe strategjive kombëtare për kontrollin e duhanit. Ka pasur dhe një rritje të mbështetjes së publikut për masat për kontrollin e duhanit.

Projekti për Ushqimin dhe Nutricionin.

Është bërë analiza e sistemeve ekzistuese të Sigurisë Ushqimore dhe Nutricionit për mbledhjen dhe përpunimin e informacionit për sigurinë ushqimore për të siguruar sisteme efektive dhe me bazë shkencore për nevojat specifike të vendit. Është hartuar një dokument që përmbledh strategjitë, legjislacionin dhe strukturat më moderne të Sigurisë Ushqimore.

Gjaku dhe nënproduktet e tij.

Është bërë analiza e politikave të sigurisë s gjakut, shrbimimeve dhe rezervave t gjakur dhe nënprodukteve të tij; është bërë analiza e cilësisë së shërbimit të transfuzionit të gjakut; është përmirësuar politika kombëtare për sigurinë e gjakut.

Shëndeti i Nënës dhe i të Porsalindurit.

Projekti sapo ka filluar dhe planifikohet të rrisë cilësinë e kujdesit për shëndetin e nënës dhe të të porsalindurit me hartimin e standardeve, udhëzuesve dhe protokolleve kombëtare; rishikimit të ligjeve, politikave për të siguruar mbulim universal me ndërhyrje efektive për shëndetin e nënës dhe të të porsalindurit; si dhe ngritja e modelit të zbatimit të kujdesit bazuar mbi praktikat, bazuar mbi faktet si dhe me rekomandimet e OBSH.

Shëndeti Mendor.

Është kryer vlerësim mbi politikat dhe legjislacionin e shërbimeve të shëndetit mendor, është hartuar lista e standardeve të shërbimeve komunitare të shëndetit mendor, është ngritur qëndra pilot në komunitet për kujdesin për të sëmuret mendore; është rritur ndërgjegjësimi për rëndësinë e shëdetit mendor.